Karfan er tóm
Fura á fæti (Tröpputré)
Fura á fæti (Tröpputré)
Stafafura sem fest er á tréplatta. Skemmtileg til að setja út á verönd eða pall og skreyta yfir hátíðarnar.
Stærðir:
- Lítið er ca 40 cm
- Stór er ca 80-100 cm
Svokallað "Tröpputré" er stafafuru toppur festur í trjádrumb. Til notkunar úti og inni ef vill. Inni þornar furan upp og gránar lítillega en heldur barrinu nokkuð vel en utandyra getur hún staðið lengi fram á vorið með sinn græna lit. Trén eru í þremur stærðum.
Hvaða jólatré skal velja?
Nordmannsþinur
Nordmannsþinur er hið sígilda jólatré til margra áratuga og sú tegund sem flestir velja. Hann hefur fagurgrænan lit á mjúkum nálunum, er barrheldinn og getur verið mjög þéttur. Þessi tegund er ekki ræktuð á Íslandi og því flutt inn til landsins fyrir hver jól frá reyndum jólatrésbónda í Danmörku.
Rauðgreni
Rauðgreni er sú tegund sem lengst hefur verið notuð sem jólatré hér á landi. Með réttri meðhöndlun er það frekar barrheldið og þannig hægt að halda ferskgrænum nálunum betur á trénu. Ilmurinn er mjög góður og oft hefur rauðgreni þetta ‘ekta’ jólatréslega vaxtarlag, píramídlaga og þétt. Auk þess er það frekar nett og því ekki mjög plássfrekt.
Stafafura
Stafafuran er einstaklega falleg sem jólatré og ilmurinn sérstaklega góður. Hún er að koma sífellt sterkari inn sem jólatré fyrir þá sem kjósa örlítið annað vaxtarlag en hið sígilda píramídalaga tré. Stafafuran er einnig barrheldinn og heldur fagurgrænum nálunum vel fram yfir áramót.