Brúðkaup

Val á brúðkaupsblómum er stór ákvörðun enda setja blómin mikinn svip á brúðkaupið. Blómaskreytar Garðheima búa yfir mikilli reynslu og veita gjarnan persónulega ráðgjöf við val á blómum í verslun okkar. Oft er gott að fá aðstoð við litasamsetningar, hvaða tegundir fara vel saman ásamt því að velja rétta stærð af vendi fyrir hverja brúði. Hægt er að koma með mynd sem vinna má eftir.
Þá er mikilvægt að hafa í huga að blóm eru árstíðabundin og því misjafnt hvaða blóm eru í boði hverju sinni. Hver vöndur hefur sitt handbragð, svo blæbrigðamunur getur verið á vöndunum. 
Brúðarvendi þarf að panta með minnst tveggja vikna fyrirvara. 

Brúðarvendir

Brúðarvendir

Barmblóm

Barmblóm

Hárkransar

Hárkransar

  • Brúðkaup - allt er þegar þrennt er

    Brúðhjónin Júlíana og Hlynur ætla að halda haustbrúðkaup og bjóða 200 manns. Þetta er þriðja tilraun þeirra til að láta drauminn um stórt brúðkaup rætast, en vegna Covid faraldursins hafa þau frestað brúðkaupinu tvisvar.
    Nú skal það takast!

    Sjá meira

     

  • Hlöðubrúðkaup

    Brúðhjónin Þórhildur og Eiríkur ætla að halda hlöðubrúðkaup um miðjan ágúst. Þau eru að vonast eftir góðu veðri þar sem gestirnir ætla að gista í tjöldum í kring. Þeim verður svo öllum boðið í brunch daginn eftir brúðkaupið.

    Þórhildur og Eiríkur eru miklar útivistartýpur sem eru þegar búin að ganga nokkrum sinnum upp að gosstöðvunum. 

    Sjá meira

  • Fallegt heimabrúðkaup

    Brúðhjónin Katla og Aron ætla að halda lítið brúðkaup í heimahúsi með nánustu fjölskyldu og vinum. Þau eru ung og barnlaus og vilja hafa lágstemmt en fallegt brúðkaup.

    Þau eru búin að ráða mjög færan ljósmyndara sem ætlar að fara með þau í myndatöku út í náttúrunni og skiptir það því miklu máli fyrir brúðina að fá stóran og fallegan brúðarvönd til að myndirnar verði sem glæsilegastar.

    Sjá meira

  • Vetrarbrúðkaup

    Brúðhjónin Róbert og Andrea ætla að halda vetrarbrúðkaup í Iðnó þar sem engu verður til sparað. Andrea og Róbert elska að ferðast og búa í New York þar sem hún starfar sem tískuráðgjafi og hann í banka.

    Það kom aldrei til greina annað en að halda brúðkaupið á Íslandi og halda það með stæl.

    Sjá meira

  • Skandinavískt sumarbrúðkaup

    Brúðhjónin Victoría og Rúnar ætla að halda Skandinavískt sumarbrúðkaup. Þau eru búin að leigja stórt veislutjald og ætla að fá að tjalda því á lóðinni
    hjá foreldrum Rúnars.
    Brúðhjónin hafa verið saman í yfir 20 ár og eiga fjögur börn á aldrinum 7-15 ára sem eru öll mjög spennt að fá að taka þátt í brúðkaupi foreldra sinna.
    Sjá meira