Rauðbleik runnarós með stór, fyllt blóm sem blómstra lengi. Nokkuð harðgerð en gott er að skýla fyrstu veturna.

Rósir eru langlífar og best að leyfa þeim að standa óhreyfðum. Gott er að velja skjólgóðan og sólríkan stað td undir suðurvegg. Þær geta orðið fyrirferðamiklar og þess vegna þarf að velja gott pláss í upphafi.

Komið rótinni fyrir í vel unnum, frjóum og ögn sendnum jarðvegi. Passlegt er að setja hana 4-5 cm undir yfirborðið, sé stungið dýpra er plantan lengur að koma upp og það dregur úr blómgun. Sé aftur á móti stungið grynnra getur rótin skemmst vegna vetrarkulda.

Gott er að skýla fyrir rósum fyrir kuldaköstum bæði á vorinn og veturna.