Skemmtilegur hindberjarunni sem hefur gefið af sér góða uppskeru við íslenskar aðstæður. Er frekar snemma til. Sæt og góð ber með ágætis geymsluþol.

Hindberjarunnar gefa ávöxt á annars árs sprota. Plantan fjölgar sér ár hvert með því að stinga út frá sér nýjum sprotum. Sprotar sem eru búnir að gefa ávöxt visna niður yfir veturinn og er auðvelt að fjarlægja að vori.

Hindberjarunnar geta fjölgað sér mikið og skriðið víða. Því er gott að rækta þá á afmörkuðu svæði, s.s. í djúpum ræktunarkössum eða stórum pottum, ef maður vill halda þeim í skefjum.