Um matseðillinn

Matseðillinn er breytilegur sem þýðir að það er alltaf eitthvað nýtt og ferskt í matinn á hverjum degi.  Þú velur þína eigin samsetningu úr nokkrum frumlegum salötum og Rétti dagsins.  Auk þess er alltaf í boði Súpa dagsins, Spírulokur, Heilsuboost, Jógúrt,  Hafraklattar, hrákökur og ýmiss konar bakkelsi.  Til þess að tryggja að hráefnið sé eins ferskt og mögulegt er verslum við beint frá bónda, auk þess sem við erum með okkar eigin grænmetisgarð. 

Fróðleikur

Þá munum við reglulega verða með græna fróðleiksmola um notkun og virkni jurta til gagns og gamans.  Í kósí horninu er svo úrval af garðyrkju-, matreiðslu- og lífsstílsbókum, sem hægt er að glugga í yfir ljúffengum kaffibolla.

Starfsfólk

Yfirkokkur Spírunnar er Hinrik Carl Ellertsson matreiðslumeistari.  Hann hefur starfað sem kokkur á Rauðará steikhúsi, Varmahlíð í Skagafirði, Radisson SAS í Kristiansand, veitingastaðnum Austur og ostabúðinni Búrinu.  Eydís Ósk Traustadóttir matreiðslumaður, starfaði áður á hótel Rangá.

Opnunartími og borðapantanir

Spíran er opin mánudag til föstudag frá kl. 11-17 laugardag og sunnudag 13-17.  Borðapantanir og hópabeiðnir sendist á Borðapantanir eða í s: 5403340 / 5403300.

Vertu velkomin í Spíruna, Garðheimum!