Gaman er að fegra palla, stéttar og svalir með sumarblómum í körfum, pottum og kerjum.  

Sniðugt er að blanda vatnskristöllum saman viðmoldina áður en gróðursett er, þannig helst raki lengur í moldinni.  Kristallarnir drekka í sig umfram vatn þegar vökvað er, og leysa svo rakann út í moldina er fer að þorna í kerjunum.  Nánar í "Lesa Meira"

Sumarblóm eru plöntur sem lifa yfirleitt bara eitt sumar, t.d. morgunfrú, skrautnál, ilmbaunir, skjaldflétta ofl.  Nokkrar tegundir geta þó verið tvíærar, þ.e. lifa af einn vetur og koma upp aftur að vori.  Dæmi um tvíær sumarblóm eru:  stjúpur, fagurfífill, silfurkambur ofl.

Ef fólk vill sá sjálft fyrir sumarblómum er best að gera það á fyrstu mánuðum ársins, sjá link á sáningu sumarblóma.

Sumarblómaplöntur eru til sölu frá maí og er almennt talað um að planta út í beð þegar hætt er að koma næturfrost.   Ef kuldakast skellur á getur verið gott að skýla plöntunum með akrýldúk.