Planta febrúarmánaðar er Ecneveria / Kransakollur.

Kransakollur er þykkblöðungur af kaktusaætt.  Plantan hefur þykkar blaðhvirfingar sem eru blágrænar á lit.  Einstaklega fallega lögun hennar minnir á rósettu. Þannig gleður hún alltaf augað hvort sem hún blómstrar eður ei. Flestir kransakollar eru blómviljugir ef hægt er að láta þá standa á svölum stað á veturna. Blómin eru rauðgul og setja mikinn svip á blaðhvirfinguna.

Smellið á "Nánar" fyrir framhald

Kransakollur er sterk planta og auðveld í umhirðu.  Hún er þakklát og auðvelt er að fjölga henni.  Eftir blómgun lifir plantan góðu lífi áfram.

Blágræni litur blaðanna kemur af vaxkenndu lagi sem verndar þær fyrir heitu sólskininu í Mið- Ameríku, þaðan sem plantan er upprunin.  Því þarf að velja henni sólríkan stað.

Vökva þarf vel þegar heitt er en passa þarf ræturnar því þær rotna fljótt sé of mikill raki í moldinni. Plantan þarf kalkríka mold og gott er að gefa kaktusaáburð mánaðarlega um vaxtartímann á sumrin.

PRENTVÆN ÚTGÁFA