Við viljum benda viðskiptavinum okkar á að fræið er í mismunandi verðflokkum.  Smellið á "Lesa meira"

• Ódýrt fræ sem hefur lítið eða ekki verið framræktað getur spírað misvel.  Hins vegar er oftast mikið magn af fræi í bréfunum og þá kemur ekki að sök þótt ekki spíri öll fræin.   Þeir sem eru að leita eftir náttúrulega útliti eða villtum blómum ættu að velja þetta fræ.
• F2 og S1 fræ hefur verið framræktað nokkuð og er aðeins dýrara en venjulegt fræ.  Af svona fræi fáum við plöntur sem gjarnan hafa stærri blóm og eru næstum því eins innbyrðis.
• F1 fræ er úrvalsfræ.  Það er dýrasta fræið af því að það hefur verið framræktað í margar kynslóðir.  Árangurinn verður sá að öll blómin eða aldinin verða nánast eins, þ.e. jafnstór, litirnir hreinir og í mörgum tilfellum verða plönturnar kröftugri.
• Stundum er fræ sérstaklega meðhöndlað til að auðvelda sáningu eða ná fram betri og/eða jafnari spírun.  Við það verður fræið dýrara.  Þá er það merkt með skammstöfunum DT, PL, MPL, GS, HE eða CT.