Garðurinn
Leit
| Kryddjurtir og matargerð |
 |
 |
 Ræktun kryddjurta er skemmtileg og um leið bragðgóð leið til að lífga upp á eldhúsgluggann, jafnt sem matreiðsluna. Innanhúss er hægt að rækta kryddjurtir allt árið um kring og utanhúss á sumrin. Úrval kryddjurta sem hægt er að rækta er mjög fjölbreytt. Hér á eftir í "lesa meira" er listi yfir helstu tegundirnar og hvernig má nota þær í matargerðina.
Dill Grönn þráðlaga blöðin notuð með fiski, skeldýrum, lambakjöti, kartöflum, í sósur og til skrauts. Kryddedik og kryddsmjör. Graslaukur í salöt, eggja- og grænmetisrétti, sósur, brauð ofl.. Hjólkróna (gúrkujurt) Ný smáblöð notuð í grænmetisrétti, salöt, svepparétti og sósur. Bláu blómin eru notuð í salat og til skreytingar t.d. á brauðtertur. Meriam Notað í grænmetisrétti, lifrarrétti, kæfu og tómatrétti. Í pizzur er meriam ómissandi og er þá notað með basilikum. Minta Notuð í lambakjötsrétti, sósur, drykki og hlaup. Hrokkinminta er notuð í jurtate. Piparminta er mest notuð í sælgæti og líkjöra. Steinselja Til eru afbrigði með sléttum og hrokknum blöðum. Steinselja er notuð í kryddvönd við suðu á fiski, kjöti og grænmeti. Einnig í kryddlegi, í salöt og fiskrétti, en mest er hún notuð til skrauts. Rósmarín notað í rétti úr lamba- svína- og fuglakjöti einnig er rósmarín notuð á villibráð og er oft nefnt villibráðarkrydd. Einnig gott á kartöflurétti með hvítlauk. Ómissandi á lambastórsteikur, hrygg og læri. Salvia er með mildu beisku og áberandi bragði. Salvía er notuð í rétti úr svína- kálfa- og lambakjöti, fars, pylsur og kæfu. Timian Er notað í kryddlegi. Á vel við svína-, nauta- og kálfakjöt. Timian bragðast vel með hvítlauk, lárviðarlaufi og tómati. Notað í pottrétti, súpur og ómissandi í baunasúpu (saltkjöt og baunir) Oregano Er notað með steiktum fiski, kjötdeigs- og tómatréttum, pizzum og tómatrétti. Sítrónumelissa (Hjartafró) Blöðin eru notuð fersk í te og hrásalat. Estragon Dökkgræn blöðin eru notuð í fiskrétti, á kjúklinga og kálfakjöt. Einnig í eggjarétti, kryddlög og kryddsmjör og í Bernaise sósu. Basilikum Er notað í pizzur, í tómatrétti, spaghettirétti, með ljósu kjöti og alifuglum. Graslaukur Blöðin eru notuð í salöt, eggjarétti, kartöflur og súpur. Kamilla Blómin eru notuð í jurtate, en blöðin sem eru með eplalykt eru notuð í ilmblöndur. Íssópur Blöðin eru notið í baunarétti, súpur, kássur og kæfur, er talin mikil lækningajurt. Karsi (Garðperla) Notuð sem álegg á brauð, sósur, salöt og eggjakökur. Anis Blöðin notuð í ávaxtasalöt en fræið í sælgæti, kökur og krem. Koriander Blöðin eru notuð í karryrétti, sósur, salöt. Fræin með sterkt bragð notuð í súrsað grænmeti, pylsur, sæta rétti eins og sultur. Notað í indverska rétti. Kóríanderfræ er notað í indverskum karríblöndum. Fennika (sígóð) Bragðið af fenniku minnir á anis er með lakkríslykt, blöðin eru notuð í súpur og fiskrétti. Fræið er gott í te og er oft notað í fiskrétti og svínakjötsrétti. Stilkurinn og hýðið er notað í hrásalat. KRYDDJURTIR & MATARGERÐ - PDF SKJAL TIL ÚTPRENTUNAR
Ítarefni: Hér er ágætt yfirlitsblað yfir kryddjurtir og notkun þeirra. Smellið á myndina til stækkunar:
|
