Matlaukur er flokkaður í Blaðlauk annars vegar, þar sem eingöngur eru nýttir stönglar og blöð.   Hins vegar í Hnýðislauk, sem er aðallega nýttur vegna lauks neðanjarðar, en stundum blöðin einnig.

Þeir eiga sameiginlegt að vilja frjóan og áburðarríkan jarðveg, vel ræstan, á sólríkum stað.

Smellið á "Nánar" fyrir framhald:

Rósakál er fræ mars mánaðar.  Þessi káltegund ekki á sér mjög langa sögu hér á Íslandi.  Kálið er frekar seinvaxið sem gæti verið skýring á hvers vegna fáir velja það til ræktunar. 

Til að ná nauðsynlegum vaxtartíma þarf að sá fyrr fyrir rósakáli en öðrum káltegundum.  Tíminn frá miðjum mars til apríl byrjunar er kjörinn tími.

Smellið á "Nánar" fyrir framhaldið

Nú er rétti tíminn til að byrja að sá fyrir nokkrum tegundum kryddjurta og sumarblóma.

Helstu kryddjurtir sem gott er að sá fyrir snemma eru Rósmarín og Steinselja.  Einnig má fara að sá fyrir salati til að hafa inni.

Í sumarblómunum er gott að byrja að sá fyrir Stjúpum, Ljónsmunna, Bellis (Fagurfífill), Sólbrá, Brúðarstjörnu, Kínadrottningu, Meyjarblóma, Brúðarauga, Apablómi, Pelargoníu (Mánabrúður), Sumarhatti, Silfurkambi og Járnjurt.

Sáning sumarblóma er eitt af vorverkunum.  Reikna má með 4-8 vikum þar til hægt er að planta út á vaxtarstað. Þó eru til nokkrar harðgerar, fljótvaxnar tegundir, sem hægt er að sá beint út á vaxtarstað í maí, ef aðstæður leyfa. Aftan á fræpökkunum eru upplýsingar ef meðhöndla þarf fræið sérstaklega.   Ef sáð er í bakka eða potta er handhægast að nota til þess gerða sáðmold, þar sem hún hefur rétta samsetningu og á að vera laus við sjúkdóma og meindýr. 

Smellið á "Nánar" fyrir framhald.