Leiðbeiningar um gerð jólakorta.

Efniviður:   
Inni á heimilum okkar leynist ýmislegt smádót sem hægt er að nýta í jólakortagerð, t.d. gamla límmiða, ljósmyndir, útklipptar myndir úr blöðum og smáhluti af ýmsu tagi.  Sumir nota blaðsíður úr gömlum, ónýtum bókum, þær má t.d. nálgast í Kolaportinu. 

Smellið á "Nánar" fyrir framhald

 Einnig er sniðugt að nota jólaarkir og klippa úr þeim myndir – skreyta svo ýmist með glans, glimmer, snjó yfir til að búa til stemmningu, og lífga upp á myndina.  Gaman er að virkja ímyndunarafl barnanna og leyfa þeim að taka virkan þátt í kortagerðinni.

Grunnefni:
Kort eða pappírskarton
Lítil beitt skæri
Jólamyndir og skraut eftir smekk
Lím:  getur verið límband á rúllu (með lími báðum megin), límstipti,  límpúðar og blautt lím

Aðferð:
Kartonið er klippt niður, eða keypt eru tilbúin, forsniðin kort.  Lím með límbandi báðum megin er einfaldast í notkun, þannig má líma niður borða og allan pappír.  Perlur, glimmer oþh er betra að líma með blautu lími.  Límpúðarnir eru notaðir til að búa til þrívíddaráhrif í kortinu.

•    Sömu aðferð má nota til að gera jólamerkimiða.
•    Einlita gjafapoka og gjafapappír má einnig skreyta með því að beita sömu aðferð og við kortagerðina.

Fyrir jólin fyllist föndur- og blómadeild Garðheima af nýjum kartonum, perlum, gervisnjó, glimmeri, 3 víddar myndum, borðum ofl.  Þar má einnig nálgast skrautlengjur, þurrskreytingarefni, borðskraut ofl sem hægt er að klippa niður og nota sem skreytiefni á kortin.   
Mikið er um að notaðir séu gull- og silfurlímmiðar til að skreyta með, þeir fást einnig með mismunandi texta, t.d. “Gleðileg jól” og síðan má kaupa stafi og mynda orðin sjálfur.
Í skurðarvélinni í föndurdeild Garðheima má skera út ýmis skemmtileg form og skraut úr kartoni.

Þá er bara að virkja hugmyndaflugið og byrja að skapa!
Ávinningurinn er gleði, ánægja og skemmtileg stund fjölskyldunnar og ekki þarf mikinn tilkostnað við ☺
Gangi ykkur vel!

PRENTVÆN ÚTGÁFA AF OFANGREINDUM TEXTA.