Sýprus (Chamaecyparis) er mjög skemmtileg sígræn planta til að hafa útivið.  Hann hefur fínlegan vöxt, fagurgrænan, en oft örlítið bláleitur.  Sýprus er í raun fjölær planta en oft er erfitt að halda honum á lífi hér á landi meira en eitt ár.  Hann þrífst best í skjólgóðu beði, helst í hálfskugga-skugga. 

En þar sem hann sómir sér afskaplega vel í keri verður að líta á hann sem svona haust og vetrarplöntu sem maður þarf að skipta svo út á ári hverju.

Aðventublómin bjóða upp á marga möguleika, mest eru þau notuð í fallegum skálum eða pottum á borð eða úti í glugga. Síðustu árin hefur aukist að fólk noti þessar plöntur til að lífga upp á umhverfið við útidyrnar hjá sér í skammdeginu og fyrir jólin.