| Náttúrulegar húðvörur í Garðheimum |
|
|
Í Garðheimum fást íslensku náttúrulegu húðvörurnar SÓLA, frá fyrirtækinu Urtasmiðjunni á Svalbarðsströnd við Eyjafjörð. Urtasmiðjan hefur síðastliðin 15 ár framleitt húðvörur og snyrtivörur úr íslenskum heilsujurtum, sem um aldir hafa verið þekktar fyrir heilandi og græðandi áhrifamátt sinn við ýmsum húðkvillum, verkjum og bólgum. Jurtirnar, t.d. t.d. fjallagrös, blóðberg, vallhumall, rauðsmári, maríustakkur, fjólur o.fl. o.fl. eru tíndar þar sem þær vaxa villtar í sínu náttúrulega og hreina umhverfi á norðlenskum heiðum og fjöllum. Í framleiðsluna er auk jurtanna einungis notað náttúrulegt og lífrænt hráefni t.d. lífrænt og ilmandi kókossmjör og bývax og Omega jurtaolíur sem eru ekki síður hollar á húðina en til inntöku og eru sérlega nærandi og uppbyggjandi fyrir hana. Í allri vörulínunni er náttúrulegt E vitamín, sem er þráavörn, andoxunarefni unnið úr jurtum. Rotvörnin í framleiðslunni er einnig unnin úr jurtum og engin ilm- eða litarefni eru notuð önnur en þau sem jurtirnar gefa. Öll vörulína Urtasmiðjunnar er seld undir vörumerkinu SÓLA. Meðal vörutegunda sem fást í Garðheimum eru: Rósakrem, næringarkrem, unnið úr rósaberjum. Morgunfrúarkrem, 24 klst. krem, með mýkjandi Morgunfrúarolíu. Fjallagrasakrem, rakakrem, með ísl. fjallagrösum. Silki andlitsolía, enduruppbyggjandi djúpnæringarkúr. Handkrem, nærandi og mýkjandi. Fótaáburður, mýkjandi hælakrem, róandi á þreytuverki og fótaóróa. Vöðvaolía/gigtarolía á vöðvabólgu, liðverki og sinadrátt. sem inniheldur m.a. blóðberg, eini og vallhumal. Græðiolía, á flösuexem og skánir í hársverði. Græðismyrsl á sár, bruna og ýmis húðvandamál sem hefur fyrir löngu sannað sig sem áhrifaríkur græðiáburður og oft nefndur "Græna undrið" Allar upplýsingar um framleiðslu Urtasmiðjunnar og vöruval er að finna á heimasíðu þeirra
|