Starfsmenn óskast

12.04 2016

Blómaafgreiðsla

Við leitum að brosmildum og lífsglöðum starfsmanni í Blómabúðina. Starfið felur í sér að búa til fallega blómvendi, skreytingar og gjafainnpakkanir, auk þess að sinna almennri afgreiðslu. Reynsla er mikill kostur. Um er að ræða kvöld og helgarvinnu. 

Sumarstarf í afgreiðslu

Okkur vantar nokkra hressa og brosmilda starfsmenn í afgreiðsluna hjá okkur í sumar. Um er að ræða vaktavinnu í 100% starf og aukavinnu. Reynsla af afgreiðslustörfum kostur. 

Sumarstarf í afleysingar á skrifstofu

Óskum eftir starfsmanni í afleysingar á skrifstofuna í sumar. Um er að ræða vinnu við bókhald og tollskýrslugerð. Reynsla af tollskýrslugerð mikill kostur. 

Starfsmenn í Garðyrkjudeild

Við óskum eftir hraustum og lífsglöðum starfsmönnum til vinnu í Garðyrkjudeildinni okkar, bæði í sumarstarf og framtíðarstarf. Um er að ræða dagvinnu auk kvöld og helgarvinnu á álagstímum. Reynsla af garðyrkju er æskileg. 

Starfsmaður í Véladeild

Við leitum að duglegum og skipulögðum sölumanni til starfa í Véladeildinni.

Um er að ræða starf við sölu á tækjum, verkfærum, varahlutum, grillum, ljósaseríum og ýmsu sem lýtur að garðyrkju. Kostur er ef viðkomandi hefur reynslu af viðgerðum á smærri tækjum. Möguleiki á því að vinna sig upp í deildarstjórastöðu fyrir rétta aðilan. Vinnutími er 9-17 virka daga auk helgarvinnu á álagstímum. 

Umsóknareyðublað má finna hér:

http://www.gardheimar.is/gardheimar/um-gardheima/starfsumsokn

18.01.2012

Gleðidagur í dag fellur niður

Því miður hafa eldri borgarar í Gerðubergi afboðað komu sína í dag í Garðheima vegna veðurs.  Við finnum fljótlega annan dag til að halda Gleðidag :)

07.01.2012

Fræin eru komin!

Fyrstu fræsending ársins er komin og nú má byrja að sá fyrir stjúpum, tómötum, gúrkum, paprikum og kryddjurtum!

21.12.2011

Teiknisamkeppni barnanna

Búið er að draga um fallegustu jólamyndina í Teiknisamkeppni barnanna í Garðheimum fyrir þessi jól.  

Vinningshafarnir í ár eru:
Sara Rún 5 ára, hún fékk jólakúlur frá Disney
Jósteinn 7 ára, hann fékk Snjókarlaljós
Íris Ásmundardóttir 11 ára, hún fékk járnbrautarlest

Við þökkum öllum börnum fyrir frábæra þátttöku, veggir Garðheima eru vel skreyttir af öllum fallegu teikningunum sem bárust!

21.12.2011

NÝTT skýjaluktir

Skýja-lukt (sky lantern) er eins og orðið gefur til kynna lukt/ljósker sem svífur á loft.  Kveikt er á litlum vaxkubbi og luktin fyllist af heitu lofti þar til hún tekst á loft.

19.12.2011

Mælingar á jólatrjám

Garðheimar mæla stærð jólatrjáa skv. viðurkenndri aðferð í Evrópu.  Grein úr efsta kransi er lögð að stofni trésins og toppur þeirrar greinar telst efsti punktur.  Þá eru oft eftir um 20 cm alla leið upp í topp trésins.  Margir íslenskir söluaðilar mæla alla leið upp að topp trésins sem skekkir samanburð.

28.11.2011

Heiðursviðurkenning til Garðheimahjóna

S.l. föstudag hluti Garðheimahjónin Gísli H. Sigurðsson og Jónína S. Lárusdóttir heiðursviðurkenningu á Breiðholtsdögum 2011.  Viðurkenningin var fyrir mikla virkni í blómlegri uppbyggingu mannlífs og gróðurs í Breiðholti.

25.11.2011

Aðventuhelgin

Fyrsti sunnudagur í aðventu er á sunnudaginn og tendrum við þá ljós á fyrsta kertinu, Spádómskertinu.    Grenikransar með sjálfslökkvandi kubbakertum á tilboði, kr. 2.980,-

07.11.2011

Kósíkonukvöldið 3.nóv s.l.

Kósíkonukvöld Garðheima var haldið í 6.sinn s.l. fimmtudagskvöld 3.nóv.  Kvöldið var vel heppnað, góð stemning, kertaljós og notalegheit.   Dregnir voru út margir glæsilegir vinningar í lukkupottinum og síðan voru allar konur leystar út með Epsom salti og vítaminvatni.

 

20.10.2011

Föndurvörur - ný sending

Vorum að taka upp sendingu af nýjum föndurvörum.  Mikið úrval af efni til skartgripagerðar fyrir börn og fullorðna.  Tilbúnar krakkapakkningar ofl.

19.10.2011

Garðheimar styrkja súkkulaðimeistara

Garðheimar eru einn af stuðningsaðilum Ásgeirs Sandholt konditormeistara í heimsmeistarakeppni í súkkulaðigerð. Keppnin heitir World Chocolate Masters og fer fram í París dagana 17.-21.október.  



101 - 96 af 96
1 2 3 4 5 6 7 8 9 10 





Leita