Haustfögnuður Garðheima 5-6 sept

04.09 2015

Haustfögnuður Garðheima fer fram núna um helgina. Þá fögnum við öllu því dásamlega sem fylgir haustinu, stöldrum við og njótum. Ferskar sendingar af glæsilegu haustlyngi og haustlaukum fylla búðina ásamt nýupptekinni uppskeru frá bændum. Það er því óhætt að segja að búðin skarti sínu fegursta. 

Á laugardag, kl 12 verður Vilmundur Hansen garðyrkjufræðingur með fyrirlestur um haustverkin í garðinum. Þar fer hann yfir klippingar, haustskýlingar, haustgróðursetningu og allt sem viðkemur haustinu í garðinum.

Aðgangur er ókeypis og allir velkomnir á meðan húsrúm leyfir.

Á Spírunni verður gómsæt haustuppskerusúpa á boðstólnum, volg eplakaka með ís og croissant með kaffi. 

Á útisvæðinu erum við með í gangi trjáplöntumarkað þar sem 40% afsláttur er af öllum trjáplöntum. Þar má finna mikið úrval af fallegum runnum og trjám sem henta vel í haustgróðursetningu. 

Þá er fullt af frábærum tilboðum í hverju horni:

40% af trjáplöntum, steinastyttum, steinpottum og steinbekkjum

30% af garðljósum

20% af klippum, verkfærum, luktum og seríum

15% af öllum grillum og grillaukahlutum

Á uppskerumarkaðnum má finna ferskt grænmeti á frábæru verði:

Kartöflur og gulrætur frá Auðsholti

Blómkál, hvítkál, rauðkál, næpur ofl frá SR grænmeti

Lífrænt ræktað eggaldin, chili, konfekttómata, kryddjurtir ofl frá Engi

Paprikur og tómata frá Jörva

Gúrku og blaðsalat frá Heiðmörk

Nýbakaðar kleinur, kanilskonsur, flatkökur ofl frá HP kökugerð

Hlökkum til að sjá ykkur um helgina!

Starfsfólk Garðheima

18.01.2012

Gleðidagur í dag fellur niður

Því miður hafa eldri borgarar í Gerðubergi afboðað komu sína í dag í Garðheima vegna veðurs.  Við finnum fljótlega annan dag til að halda Gleðidag :)

07.01.2012

Fræin eru komin!

Fyrstu fræsending ársins er komin og nú má byrja að sá fyrir stjúpum, tómötum, gúrkum, paprikum og kryddjurtum!

21.12.2011

Teiknisamkeppni barnanna

Búið er að draga um fallegustu jólamyndina í Teiknisamkeppni barnanna í Garðheimum fyrir þessi jól.  

Vinningshafarnir í ár eru:
Sara Rún 5 ára, hún fékk jólakúlur frá Disney
Jósteinn 7 ára, hann fékk Snjókarlaljós
Íris Ásmundardóttir 11 ára, hún fékk járnbrautarlest

Við þökkum öllum börnum fyrir frábæra þátttöku, veggir Garðheima eru vel skreyttir af öllum fallegu teikningunum sem bárust!

21.12.2011

NÝTT skýjaluktir

Skýja-lukt (sky lantern) er eins og orðið gefur til kynna lukt/ljósker sem svífur á loft.  Kveikt er á litlum vaxkubbi og luktin fyllist af heitu lofti þar til hún tekst á loft.

19.12.2011

Mælingar á jólatrjám

Garðheimar mæla stærð jólatrjáa skv. viðurkenndri aðferð í Evrópu.  Grein úr efsta kransi er lögð að stofni trésins og toppur þeirrar greinar telst efsti punktur.  Þá eru oft eftir um 20 cm alla leið upp í topp trésins.  Margir íslenskir söluaðilar mæla alla leið upp að topp trésins sem skekkir samanburð.

28.11.2011

Heiðursviðurkenning til Garðheimahjóna

S.l. föstudag hluti Garðheimahjónin Gísli H. Sigurðsson og Jónína S. Lárusdóttir heiðursviðurkenningu á Breiðholtsdögum 2011.  Viðurkenningin var fyrir mikla virkni í blómlegri uppbyggingu mannlífs og gróðurs í Breiðholti.

25.11.2011

Aðventuhelgin

Fyrsti sunnudagur í aðventu er á sunnudaginn og tendrum við þá ljós á fyrsta kertinu, Spádómskertinu.    Grenikransar með sjálfslökkvandi kubbakertum á tilboði, kr. 2.980,-

07.11.2011

Kósíkonukvöldið 3.nóv s.l.

Kósíkonukvöld Garðheima var haldið í 6.sinn s.l. fimmtudagskvöld 3.nóv.  Kvöldið var vel heppnað, góð stemning, kertaljós og notalegheit.   Dregnir voru út margir glæsilegir vinningar í lukkupottinum og síðan voru allar konur leystar út með Epsom salti og vítaminvatni.

 

20.10.2011

Föndurvörur - ný sending

Vorum að taka upp sendingu af nýjum föndurvörum.  Mikið úrval af efni til skartgripagerðar fyrir börn og fullorðna.  Tilbúnar krakkapakkningar ofl.

19.10.2011

Garðheimar styrkja súkkulaðimeistara

Garðheimar eru einn af stuðningsaðilum Ásgeirs Sandholt konditormeistara í heimsmeistarakeppni í súkkulaðigerð. Keppnin heitir World Chocolate Masters og fer fram í París dagana 17.-21.október.  



101 - 96 af 96
1 2 3 4 5 6 7 8 9 10 





Leita