Vetrarskýling gróðurs

30.09 2014

Þegar við höfum haft alla fallegu haustlitina fyrir augunum eru oft mikil viðbrigði þegar fyrsta lægðin kemur með miklum hvelli, rigningu, jafnvel snjókomu og ofsaroki.  Þá fýkur allt sem fokið getur.  Sumir hafa verið svo forsjálir að taka alla lausamuni inn þ.e.s. borðið, sólstólana, grillið, trampólínið o.fl. sem hefur veitt ánægju um sumarið. Við búum við þannig veðurlag að nauðsynlegt er að fjarlægja hlutina eða festa örugglega það sem verður að vera úti.

Að gróðrinum þarf líka að hyggja á haustin.  Flestar fjölærar plöntur þurfa ekki sérstaka skýlingu, en ef þær eru í pottum eða kerjum má flytja þær í skjól, en muna samt að vökva þær reglulega svo þær ofþorni ekki.  Viðkvæmustu plöntunum verður þó að skýla  fyrir veðri og vindum.  Sem betur fer eru kjarkaðir einstaklingar, ræktendur og framleiðendur alltaf að   prófa sig áfram með nýjar tegundir.  Það er sjálfsagt að skýla þeim vel yfir vetrartímann meðan ekki er vitað nákvæmlega hvernig þær þola veðráttuna hér. Það er hægt að gera með laufum sem fallið hafa af trjám, trjákurli, smáum greinum, hálmi eða jafnvel með því hvolfa potti eða einhverju álíka yfir meðan plönturnar eru litlar.

Sígrænn gróður þarf aðhlynningu fyrir veturinn. Hann heldur laufblöðum og nálum allt árið og þess vegna er alltaf einhver starfsemi í þessum græna gróðri  þó hún sé í algjöru lágmarki á veturna. Mesta hættan á skemmdum er þegar jörðin er gaddfreðin og plantan nær ekki að taka upp vatn. Sólin getur skinið skær og heit, þó frost sé og þá er plöntunum hætt við þurrkskemmdum. Skemmdirnar lýsa sér þannig að nálar og laufblöð verða brúnleit og detta af.  Þar sem fyrstu árin eru plöntunum erfiðust er nauðsynlegt að skýla þeim meðan vel meðan rótarkerfið og plantan öll er að þroskast.  Þetta á við um plöntur eins og t.d. greni og furu.  

Besta aðferðin við að skýla sígrænum trjám og runnum er að reka niður 3.-4. staura kringum plöntuna og  strengja striga utaná, allan hringinn.  Gott að festa strigann á staurana með heftibyssu.  Striginn skyggir, loftar, hleypir vatni að og kælir plöntuna niður þegar sólin er sterkust.  Allar lyngrósir eru sígrænar og þeim þarf að skýla. Gott að setja laufblöð kurl eða mold að stofni.  Þetta sama á við um allar ágræddar rósir. Snjór er ein besta vörnin fyrir trjáplöntur og runna en getur þó orðið svo mikill að greinar brotni undan þunganum. Eina leiðin til að fyrirbyggja það er að hrista snjóinn af og létta þannig á snjóþyngdinni.   Ræktandi þarf að muna að vorin eru hættulegasti tími fyrir sígrænar plöntur.  Þegar mikil útgufun er og sólin skín þá er mesta hættan á að sígrænu plönturnar geti orðið brúnar eða gular, nema gerðar séu ráðstafanir til að skýla þeim. Skýlinguna er svo hægt að fjarlægja í maí eða þegar öll hætta á næturfrosti er liðin hjá.

Með vetrarhlýrri kveðju
Magnús Jónasson
Skrúðgarðyrkjufræðingur.

19.07.2012

Jarðarberjaplöntur á tilboði!

Tilboð á öllum jarðarberjaplöntum, þú greiðir fyrir 2 og færð 3 plöntur.

Plönturnar má gróðursetja núna og uppskeru má vænta strax í haust.

Nánar um jarðarberjaræktun hér: JARÐARBER


22.06.2012

Garðstytturnar

Bresku steinavörurnar eru komnar!   Bjóðum 20% kynningarafslátt af öllum garðstyttum.  Margar gerðir af steinstyttum, kerjum, garðbekkjum, fuglaböðum ofl.  Klassískt rómantískt útlit.  Notaðu tækifærið, fáðu kynningarafslátt og fegraðu garðinn þinn!

19.06.2012

Heissner tjarnarvara

Tjarnarvaran frá Heissner er komin í miklu úrvali!  Vinsælu gosbrunnastytturnar úr Polynature efninu.  Margar tegundir af dælum, ljósum, tjarnardúkur og lím ofl.

22.05.2012

Gerum garðinn frægan

Erla Vilhelmína Vignisdóttir sigraði í facebookleiknum "Gerum garðinn frægan"

Erla Vilhelmína hefur þetta að segja um garðinn sinn:
"Já takk! Garðurinn er í hálfgerðri órækt. En það eru fullt af stórum trjám sem þurfa nauðsynlega snyrtingu. Hellurnar við húsið eru mosavaxnar og farnar að síga vegna róta trjáa í næsta garði. Þessi garður þarf smá upplyftingu :)"

13.05.2012

Mæðradagurinn 13.maí

Garðheimar eru í samstarfi við SOS barnaþorpin á mæðradaginn.  Með kaupum á mæðradagsvendi í Garðheimum styrkir þú starfsþjálfun SOS mæðra í Afríku, en þær ala upp munaðarlaus og yfirgefin börn í SOS barnaþorpunum.   SOS barnaþorp

26.04.2012

Ræktunarbakkar fyrir baunaspírur

Þægilegir bakkar fyrir ræktun á baunaspírum, tekur ekki nema um 5-7 daga að fá uppskeru.  Pakkningin inniheldur bakka og fræ, svo er einnig hægt að kaupa fræin sér.  Sjá leiðbeiningar:

24.04.2012

Brennisteinninn kominn

Brennisteinninn er kominn! Notaður í grænmetisgarða. Dregur út kláða hjá kartöflum og sýrir jarðveg. Gott að blanda í moldina með áburðinum þegar karöflugarðurinn er stunginn upp, áður en útsæðið er sett niður.

20.04.2012

Gulrófugló frá Móður Jörð

Gulrófugló er kraftmikil sulta með þurrkuðum ávöxtum, austurlenskum kryddum og hvannarfræum.  Sultan hentar vel með grillmat og fylgir sem kaupauki helgina 21-22.apríl, með öllum seldum grillum í Garðheimum!

18.04.2012

Ananasjarðarber

Ananasjarðarberin er nýjung á Íslandi.  Berin eru hvít að lit og það er í alvörunni ananaskeimur af þeim!  Garðheimar hafa tekið þessar plöntur í sölu.

14.04.2012

Vorgleðin 14-15.apríl

Vorgleði Garðheima er helgina 14-15.apríl.  Komdu og spjallaðu við sérfræðingana og njóttu góðra tilboða á fullt af spennandi vörum.  DAGSKRÁ

Helgartilboðin



81 - 90 af 96
1 2 3 4 5 6 7 8 9 10 





Leita