Vetrarskýling gróðurs

30.09 2014

Þegar við höfum haft alla fallegu haustlitina fyrir augunum eru oft mikil viðbrigði þegar fyrsta lægðin kemur með miklum hvelli, rigningu, jafnvel snjókomu og ofsaroki.  Þá fýkur allt sem fokið getur.  Sumir hafa verið svo forsjálir að taka alla lausamuni inn þ.e.s. borðið, sólstólana, grillið, trampólínið o.fl. sem hefur veitt ánægju um sumarið. Við búum við þannig veðurlag að nauðsynlegt er að fjarlægja hlutina eða festa örugglega það sem verður að vera úti.

Að gróðrinum þarf líka að hyggja á haustin.  Flestar fjölærar plöntur þurfa ekki sérstaka skýlingu, en ef þær eru í pottum eða kerjum má flytja þær í skjól, en muna samt að vökva þær reglulega svo þær ofþorni ekki.  Viðkvæmustu plöntunum verður þó að skýla  fyrir veðri og vindum.  Sem betur fer eru kjarkaðir einstaklingar, ræktendur og framleiðendur alltaf að   prófa sig áfram með nýjar tegundir.  Það er sjálfsagt að skýla þeim vel yfir vetrartímann meðan ekki er vitað nákvæmlega hvernig þær þola veðráttuna hér. Það er hægt að gera með laufum sem fallið hafa af trjám, trjákurli, smáum greinum, hálmi eða jafnvel með því hvolfa potti eða einhverju álíka yfir meðan plönturnar eru litlar.

Sígrænn gróður þarf aðhlynningu fyrir veturinn. Hann heldur laufblöðum og nálum allt árið og þess vegna er alltaf einhver starfsemi í þessum græna gróðri  þó hún sé í algjöru lágmarki á veturna. Mesta hættan á skemmdum er þegar jörðin er gaddfreðin og plantan nær ekki að taka upp vatn. Sólin getur skinið skær og heit, þó frost sé og þá er plöntunum hætt við þurrkskemmdum. Skemmdirnar lýsa sér þannig að nálar og laufblöð verða brúnleit og detta af.  Þar sem fyrstu árin eru plöntunum erfiðust er nauðsynlegt að skýla þeim meðan vel meðan rótarkerfið og plantan öll er að þroskast.  Þetta á við um plöntur eins og t.d. greni og furu.  

Besta aðferðin við að skýla sígrænum trjám og runnum er að reka niður 3.-4. staura kringum plöntuna og  strengja striga utaná, allan hringinn.  Gott að festa strigann á staurana með heftibyssu.  Striginn skyggir, loftar, hleypir vatni að og kælir plöntuna niður þegar sólin er sterkust.  Allar lyngrósir eru sígrænar og þeim þarf að skýla. Gott að setja laufblöð kurl eða mold að stofni.  Þetta sama á við um allar ágræddar rósir. Snjór er ein besta vörnin fyrir trjáplöntur og runna en getur þó orðið svo mikill að greinar brotni undan þunganum. Eina leiðin til að fyrirbyggja það er að hrista snjóinn af og létta þannig á snjóþyngdinni.   Ræktandi þarf að muna að vorin eru hættulegasti tími fyrir sígrænar plöntur.  Þegar mikil útgufun er og sólin skín þá er mesta hættan á að sígrænu plönturnar geti orðið brúnar eða gular, nema gerðar séu ráðstafanir til að skýla þeim. Skýlinguna er svo hægt að fjarlægja í maí eða þegar öll hætta á næturfrosti er liðin hjá.

Með vetrarhlýrri kveðju
Magnús Jónasson
Skrúðgarðyrkjufræðingur.

05.06.2013

Big Green Egg kolaofnar

Big Green Egg kolaofnarnir eru loksins komnir til Íslands, eitthvað það fjölhæfasta eldunartæki sem til er. Allir þeir sem vilja taka eldamennskuna lengra, elda með náttúrulegum viðarkolum, elda við lágan hita frá 50° til 80°, til að reykja fisk eða kjöt, til að grilla á 200°-400° hita, til að baka pizzur eða kökur og geta stjórnað hitanum nákvæmlega allan tímann og geta fengið allt það bragð sem kol og viðarspænir gera fyrir matinn.

07.06.2013

Stonewall Kitchen

Stonewall Kitchen var stofnað árið 1991 þegar þeir Jonathan King og Jim Stott hófu að selja heimagerðar sultur og kryddmauk á bændamarkaði í heimabæ þeirra.

08.05.2013

Mæðradagurinn 12.maí með SOS

Garðheimar eru í samstarfi við SOS barnaþorpin á mæðradaginn.  Með kaupum á mæðradags blómum hjá Garðheimum styrkir þú gott málefni í leiðinni.

09.04.2013

Nokkur kartöfluyrki

Íslendingar byrjuðu að rækta Kartöflur Solanum tuberosum fyrir c.a. 255 árum.  Birni Halldórssyni prófasti í Sauðlauksdal við Patreksfjörð er oft eignaður heiðurinn af fyrstu kartöflurækt hér á landi.  Það mun þó ekki vera með öllu rétt því sænski baróninn Frederich  Wihelm Hastfer var aðeins á undan Birni og setti niður kartöflur á Bessastöðum vorið 1758. 

19.03.2013

Úrdráttur úr Foreldraglaðningi Garðheima

Úrdráttur úr Foreldraglaðningi Garðheima

Lilja Dögg Vilbergsdóttir
-Grand hótel gistipakki

Linda Bjrök Helgadóttir
-Út að borða fyrir tvo á Tapas Húsinu

26.02.2013

Heimsmeistarakeppni í klakaskurði

Heimsmeistarakeppnin í klakaskurði fer fram í Fairbanks í Alaska 25-27.febrúar.  Ottó Magnússon og Hjörleifur Árnason taka þátt og njóta stuðnings Garðheima og Stihl á Íslandi.

22.02.2013

Konudagurinn

Konudagurinn er sunnudaginn 22. febrúar.  Garðheimar verða með veglega kaupauka með öllum blómum og gjöfum handa konunni.
  • 2 fyrir 1 út að borða á Tapas Húsið
  • 2 fyrir 1 út að borða á Fjalarköttinn
  • Afsláttur af dekri í Grand Spa

Á meðan birgðir endast.

13.02.2013

Valentínusardagurinn

Öllum Valentínusarblómum og gjöfum fylgir 2 fyrir 1 á Tapashúsið.  Komdu elskunni þinni á óvart á degi elskenda!  Hvernig væri að senda blóm heim?

08.02.2013

Sáningarhelgi 9.-10.febrúar

Helgina 9.-10.febrúar verður fræðsluhelgi um sáningar í Garðheimum.  Komdu og spjallaðu við sérfræðingana okkar og lærðu allt um sáningu.

02.02.2013

Fermingarsýningin 2-3.febrúar

Fermingarsýning Garðheima fer fram helgina 2-3.febrúar.  Danssýning, tískusýning, fermingargreiðslur, myndatakan, fermingarmaturinn ofl.


51 - 60 af 96
1 2 3 4 5 6 7 8 9 10 





Leita