Vorið er komið

17.04 2012

Nú þegar vorið er komið og sumarið er nálægt því að láta sjá sig, fá margir moldarfiðring í puttana. Um allt land er jörð að verða frostlaus og þá er svo sannarlega yndislegt að anda að sér vorilminum. Krókusar og páskaliljur hafa fikrað sig upp úr jörðinni og lífga upp á umhverfið með litafegurð sinni. Margir hafa verið önnum kafnir við að sá fyrir sumarblómum og kryddjurtum t.d. stjúpublómum, fjólum, rósmarín og piparmyntu. Eflaust eru ýmsir sem hafa sáð fyrir grænmeti, svo sem tómötum og papriku. Þetta er líka sá tími þegar þarf að drífa í að láta klippa tré og runna.  Þeir sem ekki eru búnir að því ættu endilega gera það sem allra fyrst, því tegundirnar þola klippingu misvel. Birkið t.d. fer að laufgast mjög fljótt þegar hlýnar í veðri, safastreymið í því fer af stað og þá er það viðkvæmara fyrir klippingunni.

 

Ég má til með að minnast aðeins á kartöflurnar því það hefur sem betur fer komist aftur í tísku að fólk rækti kartöflur til eigin nota. Helstu tegundir sem hér eru í ræktun eru Premiere sem er fljótvaxin, Gullauga og Helga sem eru örlítið seinvaxnari en Premiere  og svo Rauðar íslenskar sem eru seinvaxnastar. Þið sem ætlið að setja niður kartöflur og hafið ekki enn fengið ykkur útsæðiskartöflur til spírunar, ættuð að gera það ekki seinna en strax því spírunartíminn er fjórar til sex  vikur. Það þarf  22 til 27 kg af útsæði ef miðað er við 100m2.
Við vonum auðvitað að vorið, sumarið og haustið verði öllum ræktendum hagstætt.  

 

   Með grænni kveðju
   Magnús Jónasson
   skrúðgarðyrkjufræðingur

18.01.2012

Gleðidagur í dag fellur niður

Því miður hafa eldri borgarar í Gerðubergi afboðað komu sína í dag í Garðheima vegna veðurs.  Við finnum fljótlega annan dag til að halda Gleðidag :)

07.01.2012

Fræin eru komin!

Fyrstu fræsending ársins er komin og nú má byrja að sá fyrir stjúpum, tómötum, gúrkum, paprikum og kryddjurtum!

21.12.2011

Teiknisamkeppni barnanna

Búið er að draga um fallegustu jólamyndina í Teiknisamkeppni barnanna í Garðheimum fyrir þessi jól.  

Vinningshafarnir í ár eru:
Sara Rún 5 ára, hún fékk jólakúlur frá Disney
Jósteinn 7 ára, hann fékk Snjókarlaljós
Íris Ásmundardóttir 11 ára, hún fékk járnbrautarlest

Við þökkum öllum börnum fyrir frábæra þátttöku, veggir Garðheima eru vel skreyttir af öllum fallegu teikningunum sem bárust!

21.12.2011

NÝTT skýjaluktir

Skýja-lukt (sky lantern) er eins og orðið gefur til kynna lukt/ljósker sem svífur á loft.  Kveikt er á litlum vaxkubbi og luktin fyllist af heitu lofti þar til hún tekst á loft.

19.12.2011

Mælingar á jólatrjám

Garðheimar mæla stærð jólatrjáa skv. viðurkenndri aðferð í Evrópu.  Grein úr efsta kransi er lögð að stofni trésins og toppur þeirrar greinar telst efsti punktur.  Þá eru oft eftir um 20 cm alla leið upp í topp trésins.  Margir íslenskir söluaðilar mæla alla leið upp að topp trésins sem skekkir samanburð.

28.11.2011

Heiðursviðurkenning til Garðheimahjóna

S.l. föstudag hluti Garðheimahjónin Gísli H. Sigurðsson og Jónína S. Lárusdóttir heiðursviðurkenningu á Breiðholtsdögum 2011.  Viðurkenningin var fyrir mikla virkni í blómlegri uppbyggingu mannlífs og gróðurs í Breiðholti.

25.11.2011

Aðventuhelgin

Fyrsti sunnudagur í aðventu er á sunnudaginn og tendrum við þá ljós á fyrsta kertinu, Spádómskertinu.    Grenikransar með sjálfslökkvandi kubbakertum á tilboði, kr. 2.980,-

07.11.2011

Kósíkonukvöldið 3.nóv s.l.

Kósíkonukvöld Garðheima var haldið í 6.sinn s.l. fimmtudagskvöld 3.nóv.  Kvöldið var vel heppnað, góð stemning, kertaljós og notalegheit.   Dregnir voru út margir glæsilegir vinningar í lukkupottinum og síðan voru allar konur leystar út með Epsom salti og vítaminvatni.

 

20.10.2011

Föndurvörur - ný sending

Vorum að taka upp sendingu af nýjum föndurvörum.  Mikið úrval af efni til skartgripagerðar fyrir börn og fullorðna.  Tilbúnar krakkapakkningar ofl.

19.10.2011

Garðheimar styrkja súkkulaðimeistara

Garðheimar eru einn af stuðningsaðilum Ásgeirs Sandholt konditormeistara í heimsmeistarakeppni í súkkulaðigerð. Keppnin heitir World Chocolate Masters og fer fram í París dagana 17.-21.október.  



101 - 96 af 96
1 2 3 4 5 6 7 8 9 10 





Leita