Vorið er komið

17.04 2012

Nú þegar vorið er komið og sumarið er nálægt því að láta sjá sig, fá margir moldarfiðring í puttana. Um allt land er jörð að verða frostlaus og þá er svo sannarlega yndislegt að anda að sér vorilminum. Krókusar og páskaliljur hafa fikrað sig upp úr jörðinni og lífga upp á umhverfið með litafegurð sinni. Margir hafa verið önnum kafnir við að sá fyrir sumarblómum og kryddjurtum t.d. stjúpublómum, fjólum, rósmarín og piparmyntu. Eflaust eru ýmsir sem hafa sáð fyrir grænmeti, svo sem tómötum og papriku. Þetta er líka sá tími þegar þarf að drífa í að láta klippa tré og runna.  Þeir sem ekki eru búnir að því ættu endilega gera það sem allra fyrst, því tegundirnar þola klippingu misvel. Birkið t.d. fer að laufgast mjög fljótt þegar hlýnar í veðri, safastreymið í því fer af stað og þá er það viðkvæmara fyrir klippingunni.

 

Ég má til með að minnast aðeins á kartöflurnar því það hefur sem betur fer komist aftur í tísku að fólk rækti kartöflur til eigin nota. Helstu tegundir sem hér eru í ræktun eru Premiere sem er fljótvaxin, Gullauga og Helga sem eru örlítið seinvaxnari en Premiere  og svo Rauðar íslenskar sem eru seinvaxnastar. Þið sem ætlið að setja niður kartöflur og hafið ekki enn fengið ykkur útsæðiskartöflur til spírunar, ættuð að gera það ekki seinna en strax því spírunartíminn er fjórar til sex  vikur. Það þarf  22 til 27 kg af útsæði ef miðað er við 100m2.
Við vonum auðvitað að vorið, sumarið og haustið verði öllum ræktendum hagstætt.  

 

   Með grænni kveðju
   Magnús Jónasson
   skrúðgarðyrkjufræðingur

19.01.2018

Fermingarsýning Garðheima 2018

Helgina 3-4 febrúar 2018 verður Fermingarveislusýning Garðheima haldin með pomp og prakt.

10.02.2017

Sáningarhelgi 2017

Það er sáningarhelgi hjá okkur í Garðheimum dagana 11. og 12. febrúar. Þá bjóðum við uppá ráðgjöf milli kl 13 og 16 á laugardag og sunnudag og 20% afslátt af öllum fræjum og mold. 

03.11.2016

Opið námskeið í jólaskreytingagerð

Laugardaginn 19. nóvember kl 12:00 verður opið námskeið í jólaskreytingagerð. 

28.10.2016

Vinkvennakvöld Garðheima 2016


Miðvikudaginn 2. nóvember verður vinkvennastemning í Garðheimum. Þá fara Garðheimar í sinn sparilegasta búning og fagna aðdraganda jólanna með öllum vinkonum sínum. Notaleg og skemmtileg stemning verður allsráðandi um kvöldið sem byrjar með dásamlegum vinkvennamatseðli (2 fyrir 1) á Spírunni milli kl 17 og 19. 


30.09.2016

25 ára afmælisgleði Garðheima


Okkur langar að bjóða ykkur öll velkomin í afmælisgleði Garðheima um helgina!

14.04.2016

Vorgleði Garðheima 2016

Vorgleði Garðheima 2016 verður haldin helgina 16-17 apríl.  Við fáum til okkar frábæra gesti og bjóðum uppá fróðleik, tilboð, blöðrur og veitingar. 

12.04.2016

Starfsmenn óskast

Vantar þig vinnu?

Garðheimar eru að leita af hressum og skemmtilegum starfsmönnum í ýmisskonar störf. 

02.12.2015

Afmæli Garðheima

Garðheimar eiga afmæli 2. desember. Af því tilefni verða frábær afmælistilboð út um alla verslun og 100 fyrstu viðskiptavinir dagsins fá jólasýprus frá Garðheimum.

19.11.2015

Sýnikennsla í Jólakransagerð

Laugardaginn 21. nóvember kl 12:00 ætlar Jóhanna Hilmarsdóttir, blómaskreytir, að vera með sýnikennslu í jólakransagerð. Þar fer hún yfir hvernig á að vefja grenikransa og mosakransa, hvort sem er til að nota á hurð eða sem aðventukrans. Einnig verður farið í nýjustu strauma og stefnur í aðventukransagerð. 

30.10.2015

Vinkvennakvöld Garðheima 2015

Miðvikudaginn 4. nóvember verður vinkvennastemning í Garðheimum. Þá fara Garðheimar í sinn sparilegasta búning og fagna aðdraganda jólanna með öllum vinkonum sínum. Notaleg og skemmtileg stemning verður allsráðandi um kvöldið sem byrjar með dásamlegum vinkvennamatseðli (2 fyrir 1) á Spírunni milli kl 17 og 19. 


31 - 40 af 96
1 2 3 4 5 6 7 8 9 10 





Leita