Góður tími að klippa og grisja trén er snemma á vorin, t.d. í febrúar, mars, því greinabygging trjánna sést best áður en trén laufgast.
Eftir langan vetur taka blómin vel á móti aukinni næringu og því gott að skipta um mold. Ef ræturnar eru orðnar úr sér vaxnar má klippa neðan af þeim. Svo er gott að gefa plöntunni áburð þegar birtan eykst.
Í mars/apríl þarf að skýla sígrænum plöntum fyrir sterkum geislum vorsólarinnar. Þá er mest hættan á að nálarnar þorni upp þar sem rótarkerfið er ofan í frosinni mold en nálarnar hitna í sólinni og reyna að draga upp vatn sem ekki kemur frá rótinni.
Ef klettasalatið (rucola) fer að blómstra, er ráðlagt að klippa ofan af plöntunni og skilja eftir 2-3 cm stilka, þá vex plantan aftur upp.
Salatfræjum má sá beint út í garð. Til að fá uppskeru allt sumarið er sniðugt að sá 2-3 sinnum. Sniðugt er að forsá salati til að flýta fyrir fyrstu uppskeru.
Gulrótum, radísum og pastinakka er sáð beint út í garð í byrjun maí. Gott er að gera rákir í moldina, sá fræjunum ofaní og setja þunnt moldarlag yfir. Rófum, næpum, vorlauk og ýmiss konar salati má sá beint út í garð, eða forrækta til að flýta fyrir uppskeru.
Gott er að velja svalan, bjartan stað svo spírurnar verði stuttar og digrar. Jarðvegur fyrir kartöflur er bestur ef hann er sandborinn og fremur léttur í sér. Glott er að setja akrýldúk yfir beðið á vorin til að hlífa plöntunum. Margir velja að setja niður bæði fljótsprottnar (Premier) og seinsprottnar (Helga eða Rauðar íslenskar).
Nánar um kartöfluræktun
Í dag eru engin lyf til við ryðsvepp. Hins vegar má hjálpa plöntunum með því að gefa þeim áburðinn kalísúlfat í ágúst mánuði.
Til að sporna gegn þessum vágesti er hægt að:
1) Raka grasflötina og fjarlægja mosa. 2)Dreifa turbokalki: 12 ½ kg á 150 m2. 3)Blanda grasfræi í sand/mold og dreifa eftir þörfum. 4)Halda flötinni rakri meðan fræin spíra. 5)Gefa blákorn eftir hálfan mánuð og aftur mánuði seinna: 5 kg. á 250 m2
Fíflastafur: Plantan stungin upp: Fíflastafnum stungið niður með rót fífilisins, snúið, togað upp og losað.
Lyf: Vökvað með illgresiseyði: Herbamix blandað í vatn og úðað eða vökvað yfir flötina. Efnið eyðir fíflum og öðrum tvíkímblöðungum úr grasflöt en eyðir ekki grasinu.
Mælt er með að setja áburðinn þrífosfat á nýlagðar túnþökur til að styrkja rótarkerfið. Notið uþb 2,5 kg á 100 m2 svæði.
Gott er að nota áburðinn þörungamjöl, c.a. 2 dl í holu fyrir metersháa plöntu. Passið að áburðurinn snerti ekki rætur plöntunnar.
Ef þú vilt gera vel við sumarblómin þín er gott að: 1) blanda vatnskristöllum í moldina svo að ræturnar nái í raka. 2) strá smávegis af blákorni yfir moldina í kringum plöntuna eftir útplöntun eða vökva með blómaáburði blönduðum í vatn, það má gera 3x í viku vortímann.
Í ker við sumarbústaði eða þar sem sjaldan er vökvað er gott að blanda vatnskristöllum við moldina. Vatnskristallarnir geyma í sér vatn og verja plönturnar fyrir ofþornun
Ef þú plastar basthringinn þinn, áður en þú vefur greninu utanum, þá geymist hann vel á milli ára.
Þumalputtareglan er að gróðursetja á dýpt sem samsvarar 3xstærð laukanna. Páskaliljur fara á 20 cm dýpi og túlípanar á 15 cm dýpi. Grafið holuna, jafnið botninn, raðið laukunum, oddurinn snýr upp, moldin aftur yfir. Fylgið leiðbeiningum á pökkunum sem eru oftast mjög góðar.
Haustlaufin nýtast vel til að bæta jarðveginn og skýla viðkvæmum gróðri. Gott er að blanda þeim aðeins saman við moldina og setja yfir lauka og upp að viðkvæmum plöntum.
Þegar hitastig fellur að hausti er gott að vökva vel plönturnar og setja akrýldúk yfir matjurtirnar.